對於上班族來講，每日對得最多嘅就當然係鍵盤！鍵盤日用夜用，唔間中清潔下點得啊！著過嘅衫都會洗啦，更何況係日日都摸住嘅鍵盤。坊間流傳嘅清潔大法就有好多，宜家就教大家一個得意啲嘅方法，自製鍵盤清潔啫哩！
首先大家要自備以下嘅材料：兩隻碗，一匙硼砂，白膠，色素。只要將硼砂倒入碗，同水混合。再將白膠倒入另一隻碗，混合水、8 滴色素左右。最後將兩碗材料混合，就會成為一塊超軟嘅清潔啫哩。’
雖然方法容易，價錢唔貴。不過，要留意硼砂如果食落肚會對人體有害，所以要放係小朋友掂唔到嘅地方。另外，如果水份唔夠，太乾嘅話，清潔啫哩就可能會裂成小塊，反而跌落係鍵盤縫位中。所以要試下比例先至實際使用啊。下面仲有一個唔落硼砂嘅 DIY 方法，不過材料就會複雜多，大家可以參考一下！